माळशिरसच्या भूमिपुत्राचा समाजकार्याचा धडाका; Adv. राहुल दादा वाघमोडे पाटील यांची जनसामान्यांमध्ये ‘कामाचा माणूस’, ‘आरोग्यदूत’ म्हणून ओळख..!

रुग्णांना मदत, शेतकऱ्यांसाठी धावून जाणे, महिला, विद्यार्थ्यांच्या प्रश्नासाठी तळमळीने पाठपुरावा करण्याची कार्यशैली

महाभारत न्यूज नेटवर्क|माळशिरस तालुका प्रतिनिधी : शशिकांत सरतापे|

दि. २९ ऑगस्ट २०२६,

समाजकारण हे केवळ पद, प्रतिष्ठा किंवा प्रसिद्धी मिळवण्याचे माध्यम नसून सर्वसामान्यांच्या अडचणीच्या काळात त्यांच्या पाठीशी खंबीरपणे उभे राहण्याची जबाबदारी आहे, या भावनेतून कार्यरत असलेले, महाराष्ट्र राज्याचे लोकप्रिय उपमुख्यमंत्री, मा. एकनाथराव शिंदे साहेब यांचे अत्यंत विश्वासू पी.एस.ओ, माळशिरस तालुक्याचे भूमीपुत्र, Adv. राहुल (दादा) वाघमोडे पाटील यांनी आपल्या समाजकार्याच्या माध्यमातून माळशिरसच्या मातीत आपल्या कर्तृत्वाचा वेगळा ठसा उमटवला आहे. अडचणीत असलेल्या व्यक्तीच्या मदतीला धावून जाणे, युवकांच्या प्रश्नांना प्राधान्य देणे, सर्वसामान्यांच्या अडचणी समजून घेऊन त्या सोडवण्यासाठी संबंधित यंत्रणांकडे सातत्याने पाठपुरावा करणे आणि गरजूंना आवश्यक त्या वेळी मदतीचा हात देणे, या कार्यपद्धतीमुळे “कामाचा माणूस, आरोग्यदूत-Adv. राहुल दादा वाघमोडे पाटील” अशी त्यांची ओळख सर्वसामान्यांमध्ये निर्माण होताना दिसत आहे.

माळशिरस तालुक्यातील एखाद्या सर्वसामान्य नागरिकाने आपली अडचण घेऊन राहुल दादांशी फोन द्वारे किंवा प्रत्यक्ष संपर्क साधला की, त्याचा प्रश्न केवळ ऐकून घेण्यापेक्षा तो मार्गी लागेपर्यंत पाठपुरावा करण्याचा त्यांचा प्रयत्न असतो. त्यामुळे अनेक नागरिकांसाठी ते केवळ राजकीय किंवा सामाजिक क्षेत्रातील व्यक्ती न राहता, अडचणीच्या काळात विश्वासाने संपर्क साधता येणारा आधारवड ठरत आहेत. एखाद्या कुटुंबाची वैयक्तिक अडचण असो, आरोग्याचा प्रश्न असो, शासकीय कार्यालयातील प्रलंबित काम असो, युवकांच्या रोजगाराचा विषय असो किंवा एखाद्या नागरिकाला प्रशासनाच्या पातळीवर येणारी अडचण असो, संबंधित अधिकाऱ्यांशी संपर्क साधून आणि आवश्यक तो पाठपुरावा करून प्रश्न सोडवण्यासाठी ते सातत्याने प्रयत्न करत असल्याचे त्यांच्या कार्यातून दिसून येते.

“समाजकार्य म्हणजे केवळ एका विषयापुरते मर्यादित न राहता सर्वसामान्यांच्या सुख-दुःखात आणि अडचणीच्या काळात त्यांच्या पाठीशी खंबीरपणे उभे राहणे, ही माझी भूमिका आहे. आरोग्याच्या क्षेत्रात गरजू रुग्णांना उपचार, हॉस्पिटलची बिले, बेड, रक्त, रुग्णवाहिका तसेच विविध आरोग्य योजनांचा लाभ मिळवून देण्यासाठी प्रयत्न केले आहेत. त्याचबरोबर शेतकऱ्यांचे प्रश्न, युवकांचे रोजगार व शिक्षणाचे प्रश्न, शासकीय कामे आणि सर्वसामान्य नागरिकांच्या विविध मूलभूत अडचणी मार्गी लावण्यासाठी सातत्याने पाठपुरावा केला आहे.मी माळशिरस तालुक्याचा भूमिपुत्र असल्याने या मातीतील प्रत्येक माणसाच्या अडचणीच्या काळात त्याच्या पाठीशी उभे राहणे, हे माझे कर्तव्यच आहे, असे मी मानतो. समाजासाठी काम करण्याची प्रेरणा आणि ताकद मला श्री स्वामी समर्थांच्या कृपेतून मिळते. जनतेचा विश्वास हीच माझी खरी ताकद असून, भविष्यातही कोणत्याही नागरिकाचा प्रश्न असो, तो शक्य तितक्या प्रामाणिकपणे आणि तळमळीने सोडवण्यासाठी माझे प्रयत्न कायम सुरू राहतील.”

– Adv. राहुल दादा वाघमोडे पाटील, -उपमुख्यमंत्री मा. एकनाथजी शिंदे साहेब यांचे पी.एस.ओ.

आजच्या काळात युवकांना केवळ आश्वासनांची नव्हे, तर योग्य मार्गदर्शन, संधी आणि प्रोत्साहनाची आवश्यकता आहे. ही बाब लक्षात घेऊन युवकांना आत्मविश्वास देणे, त्यांच्या क्षमतेला योग्य दिशा देणे आणि विविध क्षेत्रांमध्ये त्यांनी स्वतःच्या कर्तृत्वावर उभे राहावे यासाठी त्यांना प्रोत्साहन देणे, यावरही राहुल दादा विशेष भर देत आहेत.

राजकारण आणि समाजकारणामध्ये नव्या पिढीचा सहभाग वाढला पाहिजे, युवकांनी आत्मविश्वासाने पुढे आले पाहिजे आणि समाजासाठी काम करण्याची नवी ऊर्जा निर्माण झाली पाहिजे, अशी भूमिका त्यांच्या कार्यातून अधोरेखित होत आहे. महाराष्ट्राची राजधानी मुंबई येथे महाराष्ट्राचे उपमुख्यमंत्री एकनाथ शिंदे यांचे अत्यंत विश्वासू PSO म्हणून जबाबदारी पार पाडताना मिळालेला प्रशासकीय अनुभव, शासकीय कामकाजाची जाण आणि निर्माण झालेले व्यापक संपर्क यांचा उपयोग सर्वसामान्यांच्या प्रश्नांसाठी करण्याचा प्रयत्न कामाचा माणूस, आरोग्यदूत Adv.राहुल दादा वाघमोडे पाटील करत आहेत. प्रशासकीय व्यवस्थेतील कामकाजाचा अनुभव असल्यामुळे नागरिकांचे प्रश्न योग्य पद्धतीने संबंधित स्तरावर मांडणे आणि त्यासाठी आवश्यक तो पाठपुरावा करणे, ही त्यांची कार्यशैली बनली आहे.

पदाची व्याप्ती मोठी असली तरी आपल्या मातीशी आणि सर्वसामान्य माणसाशी असलेली नाळ कायम ठेवत काम करण्याची भूमिका त्यांनी जपली आहे. माळशिरस तालुक्यातील नागरिकांच्या सुख-दुःखात सहभागी होणे, गरजूंच्या अडचणीच्या काळात मदतीसाठी पुढे येणे आणि शक्य त्या पातळीवर प्रश्न सोडवण्यासाठी पुढाकार घेणे, यामुळे आरोग्यदूत Adv.राहुल दादा वाघमोडे पाटील यांच्याबद्दल नागरिकांमध्ये आपलेपणाची भावना निर्माण झाली आहे. प्रसिद्धीपेक्षा प्रत्यक्ष कामाला महत्त्व देणारी कार्यपद्धती, सर्वसामान्यांशी असलेला थेट संवाद, युवकांप्रती असलेला सकारात्मक दृष्टिकोन आणि कोणत्याही अडचणीच्या वेळी मदतीसाठी पुढे येण्याची तत्परता, यामुळे “कामाचा माणूस” म्हणून राहुल दादांची ओळख माळशिरसच्या सामाजिक वर्तुळात अधिक ठळक होत आहे.

समाजकारणाच्या माध्यमातून सर्वसामान्यांच्या जीवनाशी जोडलेले प्रश्न सोडवण्याचा प्रयत्न, युवकांना बळ देण्याची भूमिका आणि प्रशासनाच्या पातळीवर प्रश्नांचा सातत्याने पाठपुरावा करण्याची कार्यशैली यामुळे Adv. राहुल दादा वाघमोडे पाटील यांनी माळशिरसच्या मातीत आपल्या कार्याचा वेगळा ठसा उमटवला आहे. आगामी काळातही सर्वसामान्यांच्या प्रश्नांसाठी त्यांचे कार्य अधिक व्यापक व्हावे, युवकांना त्यांच्या माध्यमातून नवी दिशा व संधी मिळावी आणि माळशिरसच्या विकासाच्या वाटचालीत त्यांचा सक्रिय सहभाग अधिक वाढावा, अशी अपेक्षा नागरिकांकडून व्यक्त होत आहे. काम बोलते, विश्वास निर्माण होतो आणि त्या विश्वासातूनच नेतृत्वाची खरी ओळख तयार होते; माळशिरसच्या मातीत हीच ओळख निर्माण करणारे नाव म्हणजे “कामाचा माणूस, आरोग्यदूत – Adv. राहुल दादा वाघमोडे पाटील..!”